Оскуола сыллаа5ы улэтин отчуота - 1 Июня 2011 - Вилюйская СОШ№3

Включить версию для слабовидящих

Меню сайта

Друзья школы

Категории раздела

новости [225]

Наш опрос

Статистика

Онлайн всего: 1

Гостей: 1

Пользователей: 0

Форма входа

Главная » 2011 » Июнь » 1 » Оскуола сыллаа5ы улэтин отчуота

07:33 Оскуола сыллаа5ы улэтин отчуота
Герой Н.С. Степанов аатынан оскуола сыллаа5ы ўлэтиттэн Ыам ыйын 13 кунэ – Советскай Союз Геройа Николай Саввич Степанов тєрєєбўт кўнэ. Бу кўнў Герой аатын сўгэр Бўлўўтээ5и №3-дээх оскуола чиэстээхтик бэлиэтиир уонна иккис сылын «Алгыс» сынньалањ киинигэр нэћилиэнньэ уонна общественность иннигэр сыллаа5ы ўлэтин-хамнаћын билићиннэрдэ. Оскуола5а Герой аатын үйэтитиигэ уонна оҕолору патриотическай тыыњња иитиигэ араас єрўттээх ўлэлэр, былааннаах тэрээһиннэр сылын ахсын ыытыллаллара үгэскэ кубулуйда. Ол курдук Геройга аналлаах музей-хос сања матырыйаалларынан байытыллар, Герой нэдиэлэтэ, музейнай уруоктар тићигин быспакка буолаллар, оскуоланы бўтэрээччи бастыњ ўєрэнээччигэ уонна айымньылаахтык ўлэлиир эдэр учууталга стипендия олохтонор. Хас биирдии үөрэнээччи, учуутал, ўлэћит ситићиитэ – бу Герой аатыгар сўгўрўйўў бэлиэтэ буолар. Оскуолабыт Советскай Союз Геройа Николай Саввич Степанов аатын сўгэринэн киэн туттабыт уонна хас биирдии кыайыыбытын кини ўрдўк аатыгар аныыбыт. 20 сыл анараа өттүгэр – тохсунньу 29 күнүгэр Саха АССР Верховнай Советын уурааҕынан биһиги оскуолабытыгар Николай Саввич Степанов аата иҥэриллибитин быйылгы ўєрэх дьылыгар ўрдўк кєрдєрўўлэрдээх кєрўстўбўт. Дойду Президенэ Дмитрий Медведев ўєрэхтээћињњэ 2010 сыллааҕы «Наша новая школа» диэн национальнай инициативанан үөрэҕирии систематыгар таћаарбыт уурааҕар 6 сүрүн хайысханы ыйбыта. Бу хайысхаларынан оскуолабыт сыллааҕы үлэтин сүрүн ситиһиилэрин, проблемаларын уонна инникигэ сайдыы боппуруостарын кытта билиһиннэрэбин. Быйылгы ўєрэх дьылыгар 27 кылаас-комплекка 468 оҕо сылы түмүктээн эрэр, ол ићигэр 15 инбэлиит оҕо 2 бєлєґўнэн, 2 оҕо экстернат көрүњүнэн үөрэнэр. Оскуолаґа оґо аґыйааћынын, халбањнааћынын сўрўн биричиинэтинэн ыал көһүүтэ, кэлиитэ-барыыта, оҕолор доруобуйаларын туругунан дьиэҕэ үөрэнээри, Г.С.Донской аатынан оскуолаҕа кєћўўлэрэ буолар. Ўөрэх хаачыстыбата кэлињњи үс сылга халбањнаабат, биир таһымнаах: 22 туйгуннук, 128 үчүгэйдик үөрэнэр оґолоохпут. Быйыл 3 бастакы кылааһы ФГОС саҥа программатынан арыйбыппыт. Оҕолору эбии сайыннарар хайысхаґа ўлэлээћињњэ, алын кылаас учууталлара ФГОС киирэригэр эрдэттэн бэлэмнэнэн курстарга үөрэммиттэрин, методическай холбоһук иһинэн опыт атастаспыттарын тўмўгэр оҕолор да, учууталлар да элбэх ситиһиилэннилэр. Идэґэ тућаайыылаах үөрэхтээһини 9 кылаастан психолого-педагогическай кэтээн көрүү түмүгүнэн тэрийэбит. Сүнньўнэн ўєрэнээччилэр бэйэлэрэ талан ылбыт предметтэригэр эбии дьарыктаналлар. Быйылгы үөрэх дьылыгар 2 профильнай кылааhы арыйан үлэлээтибит. Спортивнай кылаас оҕолорун Чурапчы физкультурнай институтун ўєрэґин былаанынан үөрэттибит. Оскуола ўлэтин сыаналааћын сўнньўнэн билиҥҥи кэмҥэ 9, 11 кылаас оҕолорун тўмўктўўр государственнай аттестацияларыгар көрдөрүүлэрэ буолла. Ўөрэнээччилэр оскуоланы бўтэрэллэригэр биир кэлим экзаменнары туттарыыларын хаачыстыбата сылын аайы үрдээн иһэр. Быйыл обществознание, физика предметтэрин БКЭ элбэхтик таллылар. Сылын ахсын оскуоланы мэтээлинэн бўтэрэр оҕолордоохпут сүргэбитин көтөҕөр. Ааспыт үөрэх дьылыгар кыhыл көмүс мэтээлинэн бүтэрбит ўєрэнээччибит Ноговицына Алена Финансовай экономическай институкка ситићиилээхтик үөрэнэ сылдьар. Быйылгы үөрэх дьылыгар 9 кылааhы Иванова Саргы, Колтовская Маша туйгуннук түмүктээн эрэллэр, оттон 11б кылаас үөрэнээччитэ Угарова Вера оскуоланы үрүњ көмүс мэтээлинэн бүтэриэ диэн эрэнэ кэтэћэбит. Оскуола иитэр-үөрэтэр ўлэтин тићигэр туhуламмыт сўрўн бырайыактарбыт: «Schstep» мультимедиа – информационнай технология Ўєрэтии сања технологияларын киллэрии бу бырайыак нөњүө барар. Ўєрэнээччи дирињ билиини ыларыгар ўєрэх кабинетын сатабыллаахтык тэринии улахан оруоллаах, онон ўөрэтии кабинетнай системанан барар. Сүрүн предметтэри үөрэтэргэ – математикаҕа, физикаҕа уонна нуучча, саха тылларыгар аналлаах интерактивнай дуоскалаах 4 кабинеттаахпыт, биология уонна химия кабинеттарыгар мультимедийнай проектордаахтар. Ааспыт сайыњњы педагогическай форумња «Информационнай технологияны үөрэхтээһињњэ туттууга» «Ново-Арт» фирма граныгар тиксибиппит. Документ-камера диэн сања техниканы баһылаан, үөрэххэ туттууга киллэрдибит. Оскуолабыт сайта быйыл республикаґа 2 миэстэни ылан, үөрүүбүт үрдээтэ. «Intel» корпорация «1 ученик – 1 компьютер» конкурсугар кытынныбыт, ўєрэх сылын бүтүүтэ түмүк тахсарын кэтэћэбит. «Уолан» түмсүү бырайыагын автора, салайааччыта: математика учуутала Сыромятникова А.П., үлэ 5-8 кылаас салайааччыларынан барар. Уол оґо дьарыктаах буоларын хааччыйар, дьоњњо-сэргэґэ, обществоґа, бэйэтигэр туhалаах буоларын ситиhэр, уолаттары сайыннарар, түмэр, сомоґолуур сыаллаах ўлэлиир.Анна Прокопьевна оскуола5а ыытар үлэтин республикатааґы «Саха саарынын аатын сүгэр оскуолалар» ассоциациялара өйүүр, ыам ыйын 23 кўнўгэр Дьокуускай куоракка Национальнай оскуола Концепциятын 20 сылын бэлиэтиир үөрүүлээх тэрээhињњэ ыњырыллан, Суорун Омоллоон аатынан Опера уонна балет театрын ўрдўк трибунатыттан оскуола үлэтин билиhиннэрэн кэллэ. Виртуальнай олимпиадалар нєњўє билиини - көрүүнү кэњэтии Алын кылаас учууталлара Мальцева Л.Р. уонна Протопопова Д.А. үһүс сылын vil-olimp сайт нөҥүө бу бырайыагы ўлэлэтэллэр, улуус оҕолорун кытта республика атын улуустарын оґолоро көхтөөхтүк кытталлар. Саха тылын, литературатын мультимедийнай кабинета – иитэр-ўєрэтэр ўлэ тирэ5э.Оскуола – интерактивнай комлексы туhанан саха тылын уонна литератураны үөрэтиигэ республикаґа тирэх оскуола. Кабинет сэбиэдиссэйэ, учуутал Муксунова М.К. Бүлүү нэhилиэктэринэн, Кэбээйигэ, Тааттаґа, Уус - Алдан Тулунатыгар тиийэ араас таhымнаах тэрээћиннэргэ оґолору илдьэ сылдьан кабинет ис кыаґын толору тућанар, матырыйаалын байытар-хањатар, элбэх көрсүhўўлэри ыытар, интернет-конференцияларга кыттар. Талааннаах, дьоґурдаах оҕолору өйөөһүн ўлэтигэр ўөрэх дьылын устата ўлэ тиhигин быспакка былааннаахтык барар. Быйыл улуустааҕы олимпиадаґа 20 предметтэн 26 оҕо бириистээх миэстэҕэ тигистэ. Оҕолор үрдүк көрдөрүүнү физика, нуучча тыла, история, физкультура уонна МХК предметтэригэр ситистилэр. Олимпиада ситићиилэрин ўс сыллааґы кєрдєрўўтўн улуустааґы мониториныгар, оскуолабыт гимназия уонна Г.И.Чиряев аатынан оскуола кэннилэриттэн 3 миэстэґэ сылдьар. Быйыл 2 оҕобут республика олимпиадатыгар ситиһиилээхтик кытынна. 11б кылаас үөрэнээччитэ Никифоров Конон (учуутала Иванова А.Е.) физкультураҕа 2 миэстэ уонна 9 в кылаас үөрэнээччитэ Иванова Саргы (учуутала Степанова В.Ю.) аан дойду художественнай культурата диэн предмеккэ 4 миэстэ буоллулар. Никифоров Конон саха оґотуттан аан бастакынан бүтүн Россиятааҕы физкультура олимпиадатыгар Ульяновскай куоракка ситиһиилээхтик кыттан кэлиитэ оскуолабыт уонна эрчийэр, ўєрэтэр учууталын улахан ситићиитэ буолар. Оҕону чинчийэр үлэҕэ кєґўлээћин системалаахтык барар. Бићиги оҕолорбут «Инникигэ хардыы» конференция тўмўгўнэн үһүс сылын бүтүн Россиятааҕы научнай-практическай конференцияларга кытталлар. История учуутала Николаева Н.С. бэлэмниир икки оҕото: 11б кылаас үөрэнээччитэ Иванов Юра 2 миэстэ, 9 в кылаас үөрэнээччитэ Иванова Саргы биһирэбил ылан, ситиһиилээхтик кытыннылар. Математика учуутала Яковлева Н.С. дьарыктыыр оґолоро иккис сылын Санкт-Петербург куоракка «Интеллектуальное Возрождение» научнай-практическай конференцияҕа кытталлар. Быйыл 10 б кылаас үөрэнээччитэ Алексеев Чаҕыл ситићиилээхтик кыттан кэллэ. Алын кылаас учуутала Кычкина О.И. салайыытынан 7б кылаас үөрэнээччитэ Саввинов Миша бэс ыйыгар Гагра куоракка бараары бэлэмнэнэр. Маны таћынан учууталлар Сыромятникова А.П., Васильева С.П., Муксунова М.К., Семенова А.П., Софронова Р.Н. чинчийэр ўлэґэ дьарыктыыр оґолоро республика таћымыгар араас конференцияларга ситићиилээхтик кытталлар. Математика учуутала Сыромятникова А.П. салалтатынан 8 а кылаас үөрэнээччитэ Петров Степа олоњхоґо задачалары оњорууга дакылаатынан республикаґа «Инникигэ хардыы», «Тўўр эйгэтэ», «Олоњхо дойдутун оґотобун» конференцияларга ситиһиилэннэ. Биһиги выпускниктарбыт оскуолаґа ылбыт билиилэринэн, сатабылларынан кэлин биһирэммиттэрин истэн үөрэбит уонна киэн туттабыт. Ол курдук выпускникпыт – студент, Кондаков Ганя, физика учуутала Васильева С.П. уонна оґо айымньытын техническэй киинин методиһа Томская В.И. салайыыларынан научнай конференцияларга кыттыбытыгар, былырыын Москваҕа ситиһиитин иһин, быйыл академик В.П.Ларионов мэтээлинэн наҕараадаланна. Республиканскай лицей үөрэнээччитэ Унаров Влад (салайааччы Яковлева Н.С.), былырыын Санкт-Петербургдааҕы конференцияґа кыайыытын ићин, быйыл «Барҕарыы» фонд стипендиата буолла. Талааннаах оґолору өйөөhүњњэ быйылгы үөрэх дьылыгар 3 саҥа стипендия олохтонно. Оскуолабыт мањнайгы директора Яковлев В.Н. аатынан стипендия хаhаайынынан 11б кылаас үөрэнээччитэ Иванов Юра буолбута. Оскуолабыт выпускнига, «Мужество» орден кавалера Капитонов Р.Р. аатынан стипендия 11б кылаас үөрэнээччитигэр Тимофеев Сарыалга «Бўтэћик чуораан» бырааћынньыгар туттарыллыбыта. Тєрєппўт комитетын активнай чилиэнэ Рожина Ф.С. аатынан стипендияны 11б кылаас үөрэнээччитэ Шамаев Кеша Февронья Семеновна тєрєєбўт кўнўгэр туппута. Выпускникпыт, «Мужество» орден кавалера Капитонов Р.Р. аатынан общественнай фонд тэриллибитэ. Фонд учредителлэринэн бииргэ ўєрэммит оґолоро уонна эдьиийэ Варвара Романовна буолаллар. Учуутал идэтин таһымын үрдэтии ўлэтэ киэњ хабааннаахтык барар. 51 учуутал үлэлиириттэн 88% үрдүк үөрэхтээх, 82% идэлэригэр үрдүк уонна бастакы таһымнаах учууталлар, 20 учуутал араас профессиональнай наҕараадалаахтар. 5 эдэр учуутал үлэлиир. Бары предметтэри ўєрэтиигэ сөп идэлээх учууталлар ўлэлииллэр. Учууталлар 60% курстарга үөрэннэ, 40% араас таһымнаах тэрээһиннэргэ бэйэлэрин ўлэлэрин уопутун тарҕаттылар. Учууталлар быйылгы сүрүн ситиһиилэрэ манныктар: история учуутала Николаева Н.С. «Учуутал Албан аата» кыhыл кємўс бэлиэнэн, Россия уонна Саха Республикатын Наукаларын Академиятын Дипломунан, Россия наукаларын Академиятын уонна Санкт-Петербургтааґы научнай Киин, Саха Республикатын Президенин «Барґарыы» национальнай фондатын Махтал суруктарынан, улуус баһылыгын гранынан наҕараадаланна; «Серебряный звонок» идэлээхтэр конкурстарын лауреата буолла. Физкультура учуутала Афанасьев В.В. Россия уопсай ўєрэхтээhинин бочуоттах ўлэhитэ, нуучча тылын, литературатын учуутала Семенова А.В. уонна биология, химия учуутала Иванова У.И. Саха Республикатын ўєрэґин туйгуннара, математика учуутала Елисеева Е.Г. «Учууталлар учууталлара» ўрдўк аакка тигистилэр; алын кылаас учуутала Протопопова Д.А. Саха Республикатын Президенин гранын ылла; математика учуутала Яковлева Н.С. «Барҕарыы» фонд стипендиата буолла;; физкультура учуутала Иванова А.Е. Россия Президенин гранын ылар иһин конкурска улуус таһымын кыайыылааҕынан буолан, докумуона республика таһымыгар экспертизаны ааһа сылдьар. 2007 сылтан конкурска кыттан, биһиги оскуолабытыгар 6 учуутал Россия Президенин, 4 учуутал Саха Республикатын Президенин граныгар тиксиилэрэ – оскуолаґа идэлэригэр ўрдўк бэлэмнээх учууталлар ўлэлииллэрин туоћута буолар. Учуутал сылын тўмўктээћињњэ 6 учууталбыт улуустааґы «Серебряный звонок» конкурс лауреаттарынан буолбута да элбэґи этэр.Саха тылын уонна литературатын учуутала Муксунова М.К. Кэбээйигэ буолбут олоњхоґо региональнай НПК кэмигэр «10 ўрўњ кємўс уруок» кыайыылааґа буолла, Сивцев Г.Ф. республиканскай ааґыыларыгар ситићиилэннэ. Эдэр да учууталлар ситиһиилэрэ үгүс: история учуутала Капитонова Е.С. республикатааҕы «Саха саарыннара» конференция иһинэн ыытыллыбыт «Саарыннар уруоктара» конкурс лауреата буолбута. М.К.Аммосов аатынан ХИФУ научнай совета английскай тыл учуутала Николаева Е.В. учуонай ааты ыларга соискатель буоларыгар тематын бигэргэттэ. Директоры научнай-методическай үлэҕэ солбуйааччы Игнатьева Н.Д. кытта оскуолабытыгар икки эдэр соискатель баар буолла. Оскуола тутулун уларытыыга ўлэ билињњи олох ирдэбилигэр сөп түбэһиннэрэн ыытыллар, үөрэтэр-иитэр үлэ кєдьўўстээхтик барарыгар толору эппиэттиир гына ўлэни тэрийэр эбээһинэстээхпит. Дьыл устата террору утары, куттала суох буолуу усулуобуйатын хааччыйыыга тэрээhин ўлэ барда. Быйыл баhаарынай уонна санитарнай нуормалары тутуһан кабинеттарбытын сааһыланныбыт, библиотекаҕа, мастерскойдарга үлэ ыытылынна.Лингафоннай кабинет үлэґэ киирэн оґолор да, учууталлар да үөрүүбўт үрдээтэ. ОБЖ толору хааччыллыылаах кабинеттанныбыт, оґолор быйыл элбэхтик ытыы куоталаһыыларыгар кыттар кыахтаммыттарыгар, түгэнинэн туһанан, учредительбытыгар махтанабыт. Саамай сүрүн, ыарырґатар боппуруоспутунан 15 сыллааґыта тэриллибит инвалид оґолору үөрэтэр «Туллукчаан» кылааспыт оґолорун үөрэнэр услуобуйатын сөптөөхтүк тэрийбэккэ сылдьарбыт буолар: үөрэнэр кылаастара кыараґас, медицинскэй үлэһит куруук аттыларыгар баар буолуохтааґа кыаллыбат, иккис этээскэ пандус оњоһуллар кыаґа суох. Ол ићин бу оґолорго сөптөөх дьиэ буларга общественность көмөлөһөрө буоллар диэн ба5а санаалаахпын. Ўбүлээһин боппуруоһа быһаарылынна5ына, мантан сайын кэккэ ўлэлэр былааннаналлар: киирэр аањња пандус оноһуллуута; туалекка вентиляция систематын чөлүгэр түһэрии; актовай сааланы реконструкциялааћын. Физкультура уруога сања ирдэбилинэн 3 чаас буоларынан сибээстээн, кыра оґолорго физкультура уруога актовай саалаґа буолара хааччыллыахтаах. О5о доруобуйатын харыстааһын хайысхата о5о эт-хаан, өй-санаа өттүнэн доруобай буоларын ирдиир. Хас биирдии оґо чөл олоххо тардыhыыта күүhүрэрэ билињњи кэмњэ дойду ўрдўнэн бары бүттүүн обществонан ылсыстахпытына эрэ кыаллар кыахтаах буолла. Хомойуох иһин, биһиэхэ да бэрээдэги кэһэр, бэйэтин доруобуйатын харыстаабат, чөл олоххо тардыспат оґолор суох буолбатахтар. Оннук о5олору уонна кинилэр төрөппүттэрин кытта араас єрўттээх ўлэни кылаас салайааччылара, социальнай педагог, психолог ыкса ылсыћан тэрийэллэр. Оскуолаґа иитэр ўлэ систематын бырайыагын чопчулаан, оґо тућугар сєптєєх ўлэ барарын ситићиэхтээхпит. Урукку дьылларга блочнай системанан иитии ўлэтин ыытарбыт, ону сєргўтэр, сањалыы кєрўњнўўр былааннаахпыт. О5о чөл олоххо тардыһыытыгар үлэґэ сўрўн хайысханан эбии үөрэхтээһини сөптөөхтүк тэрийии буолар. Биһиэхэ бу үлэ кылаас салайааччыларын, предметник учууталлар, «Кэскил» оґо киинин, оґо айымньытын техническэй киинин уонна биирдиилээн төрөппүттэр көмөлөрүнэн күүскэ барар. Кылаас салайааччылара Софронеева У.Е., (3б кылаас) уолаттарга «Хоhуун» ырыа ансамблын тэрийэн ўлэлэтэр, Сыромятникова А.П. «Уолан» түмсүүнў салайар, төрөппүт Егорова К.И. 1б кылаас үөрэнээччилэрин дьарыктыыр. Ўєрэнээччибит Дьяконова Алина Барселона куоракка оґолор фестивалларыгар номинация ылан, аґыйах хонуктааґыта Москва5а искусство олимпиадатыгар хотон кэлиитэ барыбытын ўєрдэр. Улууска, куоракка ыытыллар араас спортивнай кўрэхтэргэ, тэрээћиннэргэ кєхтєєхтўк кыттабыт. Бу кўннэргэ оскуола хамаандата Президент кўрэ5эр бараары кўўстээхтик бэлэмнэнэр. Эбии үөрэхтээhин тэрилтэлэрин кытта ыкса сибээстээхтик бииргэ ўлэлээммит үөрэнээччилэрбит интэриэстэрин салгыы сайыннарабыт, Ўс тэрилтэ: «Кэскил» о5о киинэ, оґо айымньытын техническэй киинэ уонна оскуола буолан, куоракка о5ону эбии дьарыктааћыњња кєрўўлэрбитигэр бырайыак оњорон, общественность дьўўлўгэр киллэрээри бэлэмнэнэбит. Быйыл «Республикатааґы байыаннай хамсааhын бэтэрээннэрэ» ассоциацияны кытта билсистибит, ыкса үлэлэстибит. Ол түмүгэр патриотическай суолталаах 2 улахан тэрээhиннэри ыыттыбыт. Улууска «Мужество» орден 6 кавалера баарыттан 2-тэ биhиги оскуолабыт выпускниктара буоларынан киэн туттабыт. Оскуолабытыгар Капитонов Р.Р-ка мемориальнай дуоска туруордубут, кини аатынан ыам ыйын 19 күнүгэр военизированнай «Зарница» оонньуу ыыттыбыт. Бу тэрээhиннэр попечителлэринэн Роман Романович эдьиийэ Варвара Романовна уонна бииргэ үөрэммит оґолоро буолаллар. Түгэнинэн туhанан кинилэргэ улахан махталбытын тиэрдэбит. Выпускникпыт, Москва5а олорор, ўлэлиир медицинскэй наука кандидата Аммосов А.А. кытта итии-истињ көрсүhүү буолбута. Бу көрсүhүү биhигини олус долгуппута. Учуутал үлэтин түмүгэ өр сыл буолан баран оґолорун ситиhиилэринэн сыаналанарын биhиэхэ Александр Аммосов холобура көрдөрдө. Кини кылааhын салайааччыта Егорова Наталья Романовна учуутал сылын тўмўктўўр кэмњэ Москва куораттан телеграмма тутта, улуустааґы төрөппүт комитетыттан «Серебряный звонок» лауреата буолла. Оскуоланы сайыннарыыга быйылгыттан 83-с Федеральнай сокуон олоххо киирэринэн сибээстээн, бу үөрэх дьылыгар бу сокуону үөрэтэ сатаатыбыт: педсовекка, анал семинар оњорон ырыттыбыт. Оскуола сайдыытын программатын бырайыагын оњордубут, сања ирдэбиллэргэ хайдах үлэни ыытар боппуруостары быһаарсан, «Новое качество образования: запросы, оценки, пути достижения» диэн педсовет тэрийбиппит. Бары быһаарыыбытынан, «Бюджет сања тэрилтэтэ» диэн ааттаныахпыт. Билигин муниципальнай сорудах оњоһуллар ньыматын үөрэтэбит, оскуола оњорор єњєтўн бырайыактыы сылдьабыт. Быйыл оскуола салайар сўбэтин (ШУС) сања састааба талыллан үлэтин сөптөөхтүк саґалаата. Салайааччынан Корякин М.С. талыллыбыта. Чжан А.В. сања салайааччылаах төрөппүт комитета сања састаабынан оскуола үлэтигэр сања этиилэри, сүүрээннэри киллэрэр. Быйыл профсоюзнай комитет отчуоттуур-быыбардыыр мунньаґар үлэ «үчүгэйинэнэн» сыаналанна. Өр сылга председателинэн үлэлээбит Семенова А.П. коллектив аатыттан махталбын тиэрдэбин. Сања председателинэн биология уонна химия учуутала Иванова У.И. талыллан, үлэтин айымньылаахтык саґалаата. Биhиги коллективпыт куорат, улуус общественнай үлэтиттэн, араас хамсааhыннартан, субуотунньуктартан туора туран хаалбат, барытыгар кєхтєєхтўк кыттар. I региональнай экономическай форум деловой оонньуутугар кылаабынай бухгалтербыт Соловьева Л.А. ситиhиилээхтик кыттыбыта; физкультура учуутала Григорьева О.М. улуус сүүрүүгэ волейболга сўўмэрдэммит хамаандатын чилиэнэ буолан, ўгўс ситиhиилэрдээх; эдэр учууталларбыт Хохочойга аналлаах автодесањња кыттан 3 миэстэни ылбыттара; технология учуутала Кириллина З.С. республиканскай «Далбар Хотун» конкурска кэтэхтэн кыттыбыта; музыка учуутала Сивцева М.П. «Ийэґэ ананнын - барыбыт махтала» айар киэhэтэ бэлиэтэммитэ; история учуутала Капитонова Е.С. улуустааґы «Миссис Вилюйск» конкурс «Миссис стиль» номинациятын кыайыылааґа буолбута; математика учуутала Сыромятникова А.П., сыл тўмўгўнэн общественнай сыаналааћыњња, улууска «Любимый учитель» аакка тиксибитэ. Сања дьыллааґы бал-маскарадка «За лучшую постановку» номинация ылбыппыт, сайыњњы Форумња, Кыайыы 66 сылыгар аналлаах концертка оскуола улахан хора кыттыбыта. Кэлэр 2012 сыл биһиги оскуолабытыгар икки бэлиэ түгэннэрдээх. Иитэр-үөрэтэр үлэбит, сүнньүнэн, Советскай Союз Геройа Николай Саввич Степанов 90 сааһыгар уонна балаґан ыйын 1 күнүгэр Бүлүү куоратыгар бастакы таас оскуола аһыллыбытын 25 сылыгар ананыаґа. Геройбут аатын ўйэтитиигэ, кини ўрдўк аатын түһэн биэрбэт гына үөрэниэхпит-үлэлиэхпит, ўрдўктэн-ўрдўк ўктэллэри, сањаттан-сања кирбиилэри дабайарга дьулућуохпут. Слепцова А.В., оскуола дириэктэрэ
1 2 3 4 5 Категория: новости \| Просмотров: 3350 \| Добавил: schstep \| Рейтинг: 0.0/0

Всего комментариев: 0

Корзина

Поиск

Календарь

Фраза дня

Архив записей

Copyright MyCorp © 2024
Конструктор сайтов - uCoz