«Бастыњ кылаас» буоллубут

1991 сыл тохсунньу 29 кўнўгэр бићиги оскуолабытыгар Советскай Союз Геройа Николай Саввич Степанов аата ињэриллибитэ. Бу ўєрўўлээх кўњњэ сєп тўбэћиннэрэн, оскуолабытыгар Герой нэдиэлэтэ ыытыллара ўгэскэ кубулуйда. Ол курдук быйыл Герой нэдиэлэтэ тохсунньу 23 кўнўттэн 28 кўнўгэр диэри буолан ааста. Нэдиэлэни ўєрўўлээхтик арыйыы директоры иитэр ўлэґэ солбуйааччы Корякина Т.С. киирии тылынан уонна оскуола директора Слепцова А.В. эґэрдэ тылынан саґаланна.

Былаан быћыытынан ыытыллар бары тэрээћиннэргэ кєхтєєхтўк кыттыы, ўєрэххэ, бэрээдэккэ ўрдўк ситићии тўмўллэн Нэдиэлэ тўмўгэр «Герой нэдиэлэтин саамай бастыњ кылааћа» ааты ўс бєлєґўнэн ким ылара быћаарыллыахтааґа. Нэдиэлэ устата байыаннай темаґа концерт, єйтєн суруйуу кўрэґэ, уус-уран ааґыы, спортивнай кўрэхтэћиилэр буоллулар. Манна мањнайгы кылаастан саґалаан 11 кылааска диэри ўєрэнэр оґолор – бары сўрдээх кєхтєєхтўк, тэрээћиннээхтик кытыннылар.

Бићиги кылааспыт, оґото ахсаанынан тєћє да аґыйах буоллар, тэрээћиннэртэн туора туран хаалбакка, барытыгар ситићиилээхтик кытынна. Нэдиэлэ мањнайгы кўнўгэр ыытыллыбыт «Пионербол» спортивнай оонньууга уолаттарга да, кыргыттарга да иккис бириистээх миэстэґэ тиксэммит сўргэбит кєтєґўллўбўтэ. Єйтєн суруйуу кўрэґэр Михайлова Наташабыт ўћўс миэстэґэ тиксэн ўєрдўбўтэ. Оттон «Сэрии дуораана» литературнай ааґыыбыт дьўўллўўр сўбэ саамай ўрдўк сыанабылын ылан, ситићиигэ кынаттаабыта, ўєрўўбўтўн єссє ордук ўрдэппитэ. Концертка уолаттарбыт толорбут «Мин мантан сэриигэ барбытым» ырыалара чаґылхай нўємэрдэртэн биирдэстэрэ буолбута, онон саас ыам ыйын 13 кўнўгэр Герой Н.С.Степанов тєрєєбўтэ 90 сылыгар аналлаах оскуола улахан концерыгар уолаттарбыт ыллыыр чиэскэ тигистилэр.

Бўтэћиккэ кылаас оґото барыта ылбыт «ўчўгэй», «кућаґан» сыаналара тўмўллэн, бэрээдэк кєрўллэн, бары тэрээћиннэргэ кыттыы, ситићии ааґыллан, «Герой нэдиэлэтин саамай бастыњ кылааћа» быћаарылынна. Ол курдук «Герой нэдиэлэтин саамай бастыњ кылааћа» чиэстээх ааты 1-4 кылаастарга 2 б кылаас коллектива (кылаас салайааччыта Яковлева Т.И.), 5-8 кылаастарга бићиги кылааспыт, 6 в кылаас коллектива (кылаас салайааччыта Муксунова М.К.), 9-11 кылаастарга 9 а кылаас коллектива (кылаас салайааччыта Сыромятникова А.П.) ыллылар.

Манна даґатан эттэххэ, сыл ањарын тўмўгўнэн рейтинг кєрдєрўўтўнэн бићиги кылааспыт эмиэ «Бастыњ кылаас» аатын ылбыта. Онон бу ўєрэх сылыгар киирэн баран иккис тєгўлўн «Бастыњ кылаас» аатын ылбыппыт бићигини бу ааты чиэстээхтик илдьэ сылдьарга кєґўлўўр, єссє сања ситићиилэргэ сирдиир, ўрдўк кєрдєрўўлэргэ кынаттыыр, элбэххэ эбээћинэстиир.

                                                                                                 Михайлова Марина,

6 в кылаас ўєрэнээччитэ

                                                                                       Бўлўў куората