Включить версию для слабовидящих
Суббота, 18.08.2018, 16:19
Приветствую Вас Гость | RSS

Вилюйская СОШ №3 им. Н.С. Степанова

Меню сайта
Друзья школы
Категории раздела
Наш опрос
Хорошо ли вам в школе?
Всего ответов: 91
Статистика

Онлайн всего: 1
Гостей: 1
Пользователей: 0
Форма входа
Главная » 2015 » Декабрь » 3 » Хоhоон курэ5э
10:47
Хоhоон курэ5э

 Поэзия үйэлэри ситимниир сүдү күүс

Ааспыт субуотаҕа, «Алгыс» сынньалаҥ киинигэр поэзияны сэргээччилэргэ бэртээхэй дьоро күн буолан ааста. Сарсыарда оскуола оҕолоругар, киэһэ улахан дьоҥҥо «Поэзия үйэлэри ситимниир сүдү күүс» диэн ааттаах хоһоон ааҕааччылар күрэхтэрэ буолла. Балаһыанньа быһыытынан биир айымньыны нууччалыы эбэтэр сахалыы тылбааһын кытта икки киһи ааҕар.

Улахан дьон күрэҕэр Герой Николай Саввич Степанов аатынан оскуолаттан 14 киһи ситиһиилээхтик кытынна. Оскуола салайааччыта, директор түбүктээх үлэтиттэн быыс булан, тэрээһиҥҥэ бэйэтинэн кыттыбыта атыттарга холобур буолла. Ол курдук Афанасьев Ньургустаан Владимирович (директор), Иванова Екатерина Владимировна (логопед) А.С.Пушкин «Кернҥа»; Саввинов Робинзон Гаврильевич (ОБЖ учуутала), Сыромятникова Анна Прокопьевна (математика учуутала) А.С.Пушкин «Фонтан любви»; Воронова Сардаана Мироновна (директоры иитэр үлэҕэ солбуйааччы), Габышев Гаврил Гаврильевич (физкультура учуутала) А.С.Пушкин «Мадонна» хоһооннорун Иннокентий Сыроватскай тылбаастарыгар ааҕан кытыннылар. Акимова Рада Николаевна (омук тылын учуутала), Яковлева Татьяна Ивановна (алын кылаас учуутала) А.С.Пушкин «Кернҥа» хоһоонун Михаил Тимофеев тылбааһыгар аахтылар. Иванова Саргылаана Семеновна (повар), Петрова Федора Николаевна (история учуутала) А.С.Пушкин «Кавказ»; Типанова Саргылаана Тарасовна (математика учуутала), Петрова Акулина Николаевна (төрүт культура, саха тылын учуутала) А.С.Пушкин «Зимняя дорога» хоһооннорун Күннүк Уурастыырап тылбаастарыгар; Тимофеева Надежда Николаевна (омук тылын учуутала), Федорова Наталья Геннадьевна (алын кылаас учуутала) Тимофей Сметанин «Саллаат сүрэҕэ» хоһоонун хас биирдиилэрэ киһи уйулҕатын хамсатар гына ааҕан, көрөөччү да, дьүүллүүр сүбэ да үрдүк сыанабылын ыллылар. Күрэх уратытынан улуу классиктар айымньыларыттан саҕалаан билиҥҥи кэм суруйааччыларын айымньыларыгар тиийэ икки тылынан ааҕылынна, онон уран тыл умсулҕаныгар сүгүрүйүүнү дьиҥнээхтик толору көрдөрдө.

 Ааҕыыны Саввинова Матрена Антоновна (куорат дьаһалтатын баһылыгын солбуйааччы) бэрэссэдээтэллээх Дмитриева Матрена Петровна (киин библиотека библиограба), Учууталлар учууталлара Кылабысова Евдокия Егоровна чилиэннэрдээх дьүүллүүр сүбэ сыаналаата. Литература сыла түмүктэниэн аҕай иннинээҕи тэрээһиннэртэн биирдэстэринэн буолбут күрэххэ түөрт уонтан тахса кыттааччы бэйэтин холонно. Ордук элбэх ааҕааччы Н.Г.Чернышевскай аатынан Бүлүүтээҕи педколледжтан, Герой Н.С.Степанов аатынан оскуолаттан кытыннылар.     

Түмүк нууччалыы уонна сахалыы ааҕыыларга тус-туһунан таҕыста, ону таһынан биһирэммит ааҕааччылар автордартан уонна тэрийээччилэртэн анал бириистэргэ тигистилэр, уус-уран салайааччылар бэлиэтэннилэр.

Сахалыы ааҕыыга үһүс миэстэҕэ Яковлева Т.И.,   иккис миэстэҕэ Петрова Ф.Н., бастакы миэстэҕэ Алексеева Александра Константиновна (А.С.Пушкинтан С.Дедюкин тылбааһыгар «Уу иччитэ») тигистилэр. Маны таһынан Александра Константиновна үөрэппит оҕото Альбина Дегтярева учууталыгар анаан ыыппыт бирииһин тутта. Нууччалыы ааҕыыга үһүс миэстэҕэ Воронова С.М., иккис миэстэҕэ Иванова Мария Сергеевна (Антонина Николаева «Айбыт аҕабар» И.Петрова тылбааһа), бастакы миэстэҕэ Федорова Н.Г. тигистилэр. Маны таһынан анал бириистэр хаһаайыннарынан буоллулар Афанасьев Нь.В., Сыромятникова А.П., Габышев Г.Г., Акимова Р.Н., Петрова А.Н., Тимофеева Н.Н. Автор А.Николаева уонна педколледж студентката Сахаяна Дьяконова эмиэ анал бириистэргэ тигистилэр. Түмүккэ, уус-уран салайааччылар Лукин С.Н. элбэх кыттааччыны бэлэмнээбитин иһин, Муксунова М.К. бастыҥнары бэлэмнээбитин иһин эмиэ анал бирииһинэн бэлиэтэннилэр.   

Түгэнинэн туһанан, «Алгыс» сынньалаҥ киинин үлэһиттэригэр маннык дьоро киэһэни бэлэхтээбиттэригэр истиҥник махтанабыт. Инникитин даҕаны үлэни сынньалаҥы кытта дьүөрэлиир элбэх кыттааччылаах айымньылаах тэрээһиннэр үксүү турдуннар.

 

М.Муксунова, Герой Н.С.Степанов аатынан оскуола учуутала 


       

 



 

Просмотров: 169 | Добавил: Мария | Рейтинг: 0.0/0
Всего комментариев: 0
Имя *:
Email *:
Код *:
Корзина
Поиск
Календарь
«  Декабрь 2015  »
ПнВтСрЧтПтСбВс
 123456
78910111213
14151617181920
21222324252627
28293031
Фраза дня


Copyright MyCorp © 2018
Конструктор сайтов - uCoz